Psa 130 | KYG | STEP | Ala kava neo, hu'na, muki ya'mo'a aino nati kae'nige'na afepilaga mai'ne'nae'mo kagaefeke'mo keya ae'na ge nehuve.

Psalms 130

Mono notegamo ugefe nehaiya vaya'mo kate'mo nehai'apae'mo nehaya yokemae

1 Ala kava neo, hu'na, muki ya'mo'a aino nati kae'nige'na afepilaga mai'ne'nae'mo kagaefeke'mo keya ae'na ge nehuve. 2 Ala kava nene, hu'na, ge'nimo afiyo. Naha mao, hu'na keya ae'na ge nehuva ge'nimo kagetafo huka afiyo. 3 O Gotiyo, hu'na, hosu kavatimo alika fako huka lateteka miyatimo lami'nanesinana Ala kava nene, hu'na, ina la'mo afa'a aeno kasalo paeyesine. 4 Magoke vekamo'a alagi aeno kasalo opaeyesina'monanafa kagaefe'mo koli hute'a mono hisayafe'mo hosu kavatimo alika ne'atalane. 5 Nagaemo Ala kava ne'mo'a naha maesiyafe'mo agava mai'ne'na ge'aeke'mo nagesa afite'na agava mai'ne'nae'mo navayagunagu nehuve. 6 Ne'yagaiya vaya'mogi hani hu'niya ya'mo hano hisigeno ha le ya'mo afole aisiyafe'mo nehapaige'a agava ne'maiya kava hu'na Ala kava nefe'mo mago'e hu'na agava ne'mauve. He, agava ne'maiya kava hu'na ae'na apakase'na Ala kava nefe'mo mago'e hu'na agava ne'mauve. 7 Isaleli vaya'mogitapae, hu'na, Ala kava nefe'mo lapakesamo afitetapa lapa maesiyafe'mo lapavayagunagu hutapa maiyo. Ala kava ne'mo'a vaya'ae'mo hau huno ne'apateyanageno olapatalegaiye. Agaemo muki alu hosu kavapati'e alu hosu kavapati'e'mo miya faino hatu maeno ne'apateya'mofe'mo ani kavafe'mo lapakesa afitetapa lapavayagunagu hutapa maiyo. 8 Agaemo agai'a Isaleli vaya'amo muki alu hosu kavapati'e alu hosu kavapati'e'mo miya faino hatu maeno apategaiye.